Zer da enoezagutza?

Ezagutza Handitu gunea ezagutza kudeatzeko sarea edo foroa da. Bertan, urte guztian zehar eginen diren ekitaldien bidez, ikasi, esperientziak partekatu, eta enoturismo arloarekin harremanetan jarriko dira parte-hartzaileak.

Enoturismoa eta Enogastronomia goraka doazen bi joera handi dira. Mundu sentibera eta sentsitiboa, ardoa bera bezalakoxea, xehetasun guztiak maitasunez lantzea funtsezkoa duena. Arlo honetako langileen artean formazio arautua hain eskasa izanda, esperientziak izan du beti lehentasuna, eta ez formazioak; honek establezimenduetarako langileen aukeraketan titulazio eskakizun handirik ez egitea ekarri du.

Formazio beharrak ezberdinak izan arren, arazo komunak daude, eta hobetu beharreko antzeko puntuak, eta formazioa eta esperientzia uztartuta, bikaintasuna lor daiteke.

Horrela sortu da Enoezagutza; formazioa ardoaren eta turismoaren munduarekin lotzeko, zabalera handiko mundu hau -enoturismoa bera bezain modan dagoena- ikuspuntu ezberdinetatik ikusteko.

Enoezagutzaren kudeaketa hau guztiak Ezagutza Handitu-n egiten du bat. Honek arlo ezberdinetako jarduerak batzen ditu, arlo enoturistikoaren eragileen gaineko 360ºko ikuspegia emanez: hala nola, Arabako Errioxako Campus Enogastronomikoa, estatuko eta nazioarteko aditu handienekin formazioa eta interes komunak dituzten hainbat profesionalekin harremana uztartzen dituen gunea, edota Enoturismo-Foroa, inspiraziorako eta networkingerako tokia.

Enotursimoan adituenen eskutik datozen abangoardiako joerek, eta Ezagutza Handitu-tik egiten diren errefentziazko beste guneentarako bidaiek ibilbidea osatu egiten dute, bizipena aberasten duten ikuspuntu berriak ezagutuz.